ކޮވިޝީލްޑް ވެކްސިން ގައި އެކުލެވޭ މާއްދާތަކުގެ ފުރިހަމަ ލިސްޓެއް ހޯދުމަށް އެދި ހެލްތު މިނިސްޓްރީއަށް އާރްޓީއައި ހުށައަޅައިފި!

ކޮވިޝީލްޑް ވެކްސިން ގައި އެކުލެވޭ މާއްދާތަކުގެ ފުރިހަމަ ލިސްޓެއް ހޯދުމަށް އެދި ހެލްތު މިނިސްޓްރީއަށް ޢާންމު ފަރުދަކު 21 ޖެނުއަރީ 2021 ގައި އާރްޓީއައި ހުށައަޅައިފި އެވެ. ޤާނޫން ލާޒިމްކުރާ ގޮތުން މި މައުލޫމާތު 21 ދުވަސްތެރޭ އެބޭފުޅުން ދެއްވަން ޖެހެ އެވެ. މި އާރްޓީއައިއަށް 21 ދުވަސް ހަމަވަނީ 10 ފެބުރުއަރީ ގެ ބުދަ ދުވަހަށެވެ. އިންޑިއާއިން ގެންނަ ކޮވިޑް ވެކްސިން އުފެއްދި ކުންފުނިން ވަނީ މި ކުންފުނީގެ ވެކްސިންގައި އެކުލެވޭ މާއްދާތަކަަށް އެލާޖިކްވާ މީހުން ވެކްސިން ނުޖެހުމަށް ލަފާދީފަ އެވެ. ވުމާއެކު އެބޭފުޅާ އެދިލައްވާފައި ވަނީ ކޮވިޑް ވެކްސިންގައި ހިމެނޭ މާއްދާތަކުގެ ފުރިހަމަ ލިސްޓެއް ހޯދުމަށެވެ. އެހެނީ، ވެކްސިނަކީ އެއަށް ފާޑުފާޑު އެކިއެކި ބަޔޯ-ކެމިކަލް މާއްދާތައް އަޅައި ހަދާ ދިޔައެކެވެ. އެ މާއްދާތަކަށް އެލާޖިކްވާ މީހެއްތޯ ނުވަތަ ނޫންތޯ އެނގޭނީ ހުރި މާއްދާތައް އެނގިގެންތާ އެވެ.